رساله حب من الحكومه لابنها المواطن

بسم الله الرحمن اليحيم




عزيزى المواطن بتاع النضال


يا راكب دماغك و غاوى الحلال


نصيحة يا صاحبى بلاش الخيال


و غمض عيونك و ربى العيال


بلاش المناكفة و لايم و عيش


هتتعب معانا و سهمك يطيش


نلفق لأهلك قضية حشيش


وتصبح حكاية ونكتة ومثال:


تعالى وهاودنا وعدى الامور


وعيش فى الطراوة وخش الطابور


لكن لو هتزعل و دمك يفور

هنشهد نهايتك فى بحر الرمال


هتصبح حرامى هتصبح امير


هتصبح حرامى و ندل و اجير


و نقدر نلخبط فى اصلك كتيير


و جدك شحاتة هيصبح شحال


هنحلف ان الحبايب شافوك


بتقبض يا خاين و تقتل اخوك


ساعتها مراتك هتلعن ابوك


و تلطم و تنعى احط الرجال


مالكش انت دعوة بى اللى ضاع


و مين اللى شارى و مين اللى باع


و مين اللى كيل و مين اللى شال

فحب الحكومة و حب السلام


و علم ولادك يشدوا الحزام


علشان بكرة هياكلو حمام


و ينسوا الاسية و ينسوا الهزال


فلازم يا صاحبى تغمض عنيك


و طنش علينا نطنش عليك


و اياك تشاور نقطع ايديك


و تصبح مواطن ما يسواش ريال


عزيزى المواطن بتاع النضال


يا راكب دماغك و غاوى الحلال


نصيحة يا صاحبى بلاش الخيال

موضوع جامد يا ماااااااااااان

اصلى تســـــــــلم موضوع